Sa ginintuang katahimikan, bumulong ang daan-daang sigarilyong
sinindihan,
hinithit,
pinitik,
at hinithit muli:
Inilahad ang mga pinakatatagong
mga sikreto–
silang walang ngala’t pagkikilanlan
maliban sa laway
na dumaplis at tumalsik sa balitaktakan.
Tunay na mapalad
silang mga ito.
Mga nauupos na saksi
sa walang hanggang kwento
at sa pagdaan
ng mga araw tulad nito.
*
Nabuo sakay ng tricycle papuntang Tandang Sora. Mukhang may naibalik sa’kin, kahit papaano.
Advertisement
